穿越版窝居剧本范文
改编《蜗居》穿越版
注:全徎共有6个演员,2个工作人员,准备10首插曲。
( )饰演儿子 打灯( )
( )饰演爸爸 音响( )
( )饰演妈妈
( )饰演法海
( )饰演青儿
( )饰演旁白
场境:事先准备一张登,一个长方形盒子(盒子面写住月光宝盒四个字)在舞台中。 首先出场,吖仔,背一个书包。书包里有一本书,一支笔。
旁白:廿一世纪,一个幸福既家庭最紧要系咩呢?车子?银子?房子?NO,NO,NO,哩D
都唔系最重要,重要既系。。。。。我依家唔讲住,大家谂下先,下面请欣赏由中山钦记带哩既都市舞台剧――《蜗居》
仔:你地好呀!
讲个秘密你地知丫!我爸爸妈妈呢,成日为左个间得十几平方既居企涯交架,搞到我
呢就好唔开心。你睇下,成间屋就得哩张登,平时区地搞栏张床就算啦,促要搞栏埋成间屋既家私,搞到我连作业都无地方写。唉~爸爸妈妈我返哩啦。做作业先。
哗!二年级既题目甘难既?白素精系边个神话故事既人物?A,天仙配。B宝莲灯。C
白蛇传。D喜洋洋与灰太狼。甘难既。。。哦,我知啦一定系D喜洋洋与灰太狼。边个话 我唔识做作业架,不知几醒目。。(拿起笔装写字)咦??今日屋企甘静焗既,唔系又系度搞张床吓哗,吵癫吧闭!
妈妈出场(拖住行李箱)
爸爸出场(身穿围裙手拿锅铲,紧跟在妈妈身后)
妈:吖仔跟我走,呢D甘既日子我地无办法过啦。
仔:吓。又咩事呀?吖爸?
爸:无办法啦,依家市道唔好,楼价又高,等我温到钱咯,唔好话上百平方既楼啦,系雅
居乐买套别墅比你又点话吖!而且,我觉得哩度都几好吖!虽然无无敌大海境,但系我地小区360度公厕环绕,一层楼住廿几户人,逢年过节不知几热闹吖,明仔都唔知几开心吖,甘多小朋友陪区由楼上LOOK到落楼下,由楼下LOOK埋出街,明仔既童年回忆都唔知几多姿多彩吖!系咪呀明仔?
仔:嗯,系吖妈咪。
妈:咪你个头,唔准出声。
爸:唉!你咪将就住住先罗。
妈:将就,将就,甘将就左你几多年啦?人地结婚,我结婚。人地结婚就住洋楼,养番狗,
我结婚就咩住个仔通街走。谂起都委屈呀~我唔理啦,我要离婚!
爸:离婚?好,睇下个仔跟你定系跟我咯?吖仔行过哩。
仔:哦
妈:唔准!仔吖,你唔记得我寻日带你去KFC啦,今日仲想唔想去呀?
仔:好耶~有鸡食。
爸:好,你竟然出哩招?呀仔。
仔:呀。
爸:今日钦爷生日比左两张石博园既飞过我,吖仔,我听日带你去威!
仔:爸,你识得冯总架?甘我第时大个左入钦记度做得唔得吖?
爸:得,梗系得啦。甘你想入钦记做咩呀?
仔:第时我大学毕业我想去石博园度做导游。
爸:点解呢?
仔:因为我知道个度有好多导游姐姐。
爸:然后去做咩呢?
仔:扣导游姐姐--
爸:嗯。。只要你好好读书就得啦```
仔:多谢你呀爸。。(然后两父子相抱)
妈:吖。你个死佬吖,教坏个仔。。看招。。(好生气的抢了爸爸的锅铲追打爸爸退场) 播音乐1――――――――――――――――――――――――――――――如来神掌 仔(面向住观众):你睇下啦,睇下啦,都唔知区地前世系咪有仇既。日吵夜吵,吵到我都
无晒心机读书啦,第时钦记都唔知请唔请我添架?真系烦啦。(在舞台走了一圈发现月光宝盒)咦??有个盒既,(拿起盒子打开)月光宝盒?唔通就系传说中既可以时光倒流既月光宝盒?甘我咪可以返去以前睇下爸爸妈妈前世系咩有仇咯。好,我试下先。。。币啦,唔记得个宙宇添,大家知唔知呀?。。。。吓?恭喜发财。。。无反应窝。。唔。。。老细加人工。都系唔掂窝。。。我知啦(举高月光宝盒大声说)波陬波罗米。。。
播音乐2――――――――――――――――――――――――――――――――雷声 舞台关灯。仔仔退场。
旁白出场:甘仔仔会唔会真系返到爸爸妈妈既前世呢?爸爸妈妈既前世又会变成咩野样
呢?接请大家断续欣赏。。
播音乐3――――――――――――――――――――――――――――――千年等一回 爸爸妈妈身穿古装出场(注爸爸手拿扇子),很古装地在台上游了一圈。然后朗诵一首诗。 妈:有缘千里能相会,
爸:无缘对面手难牵。
妈:百年修得同船渡,
爸:千年修得共枕眠。
然后爸爸手拿扇子,在台上装作看风境状。
妈:咦,青儿呢?青儿。。。青儿。。。。
青儿出场。
青儿:来啦,来啦,咩事嗜?人地扶紧面漠架嘛,我地D千年蛇妖吖,平时唔做返D 非
SO就好容易巢皮架啦。系啦姐姐,温我有咩事嗜?
妈:甘既,你帮个去睇下前面个位公子,靓唔靓仔,英唔英俊?
青儿:姐姐,你又发姣啦?
妈:嗯!
青儿:好,我帮你过去及及。
播音乐4――――――――――――――――――――――――――――――――靓仔 青儿过去及爸爸时,爸爸摆POSS,尽量型点,青儿看完后回去。音乐停止。
青儿:哗,姐姐,个位公子不但风度翩翩而且仲好靓仔添吖,好似吖RIN吖,不过唔知系
咪同性恋既呢?姐姐,其实靓仔有咩用吖,最紧要系心地好,心地善良吖嘛。
妈:甘就好办啦,啦。。我哩度有张一百两既银票,你去试试区。
青儿:好(然后青儿过去掉下银票叫了两声)边个跌左钱呀,边个跌左钱呀。(然后退场。) 爸:(听见声音转身,向两边望一下再望地下发现银票)咦??地下有张银票窝(然后拾起
银票),边个跌既呢?(然后再看前方发现妈妈)呢位小姐。
妈(装做听不到,不回头)
爸:呢位小姐??(妈妈还是不应,爸爸想了一下说)靓女。。
妈(马上回头应了):系,哩位公子,你系度叫我吖?
爸:系吖猪排!请问呢张银票系咪你跌既呢?
妈(接过银票):嗯。。。好似系,又好似唔系。
爸:甘样吖 ,哩度荒山野岒,都唔知去边温返个失主架???
妈(面对观众):嗯,哩位公子不单止英俊,心地仲好好添吖。。阵天色就黑嗢间破庙搞掂
你先。。。。。。。公子,公子。
爸:点呢靓女。
妈:既然都温唔到个失主咯,你睇个天又就快黑啦,不如我地揾间破庙。。。唔系,应该系
揾间客栈,到听日先再去揾个失主啦。
爸:甘样吖?呢个都不失为好办法。。。
妈:其实,,如果你有时间既话,我今晚可以陪你去睇电影架,睇完电影仲可以去食宵夜添,
有宵夜有过夜吖嘛。。
爸:宵夜我都想,但我无银两系身啵。你有无吖?
妈:我都无吖,但系我地有一百两吖嘛。。。
爸:系窝,,,不过睇完电影,食完宵夜仲边够钱过夜吖??
妈:我地洗乜去D四星吖,五星级个D嗜,听讲珠江边有种十平方度既单身公寓,日租只
收五两炸,如长期租住仲有得打折添。
爸:切。。系要长住就住雅居乐,你知唔知吖?你无听讲过咩。。”家在广州,住在欧洲。”
无论环境,地段,景观都系一流,我仲记得咩野,咩野“上善若水”咩野“给你一个五星级的家”
妈:哩句好似系碧桂园噶窝!!
爸:哎。。差唔多嗜,唔理得甘多啦。人地标榜欧洲生活既闲适忧雅,点同你D窝居比呀。 妈:但系,我觉得两个人相爱既话,无论系边,住几大,我都无所谓罗。
爸(爸爸听到妈妈甘样讲大为感动。开始对诗):忽如一夜春风来,千树万树梨花开。 妈:波澜誓不起,妾心古井水
爸:独自凭栏,无限江山,别时容易见时难!
妈:望夫处,江悠悠,化为石,不回头!
爸:真既?
妈:真架。(然后爸爸张开双臂,妈妈准备投入爸爸怀抱之际。时间停止,演员保持姿势) 播音乐5――――――――――――――――――――――――――――――十指紧扣 旁白走上台:系哩个毛问,两个人既体温已经升至摄氏38.6度罗波,根据“哈佛大学心理学
家潘多拉教授既理论:“凡系男女第一次见面,如果体温维持系摄氏38.6度的
话,一见钟情的几率会高达八成!”两人系十指紧扣个一刻,就证明已经深深
甘爱上左对方啦。
播音乐6――――――――――――――――――――――――――――――――好汉歌 旁白退场,法海出场。(身穿绿色低衫,外被黄色斗蓬,手拿葫芦)
法海:咪住,白素精,洗咩住十平方既窝居甘委屈吖,我带你去金山寺,个度环境忧美,
山青水秀,住房实用面积达百分之99,精装三房两厅独立卫生间仲送几千平方私人花园,长期居住永不收租,永不拆迁。不过依家先住入雷峰塔,吖,我要收左你。。。 爸:等阵,如果真系有甘样既顺盘,我求下你,你收埋我啦,(单膝拒低。双手抱拳)求下
你吖!
妈:哎呀,甘多观众睇住,你就唔好甘失礼啦。
爸:你唔好理我啦,为左我地既幸福,我括出去啦(播音乐7),来啦,你收我啦。
法海:收皮啦你,我系唔可以改剧本既,行开!白素精,我今日要收左你。
播出音乐8前8后,三人在舞台上跑左一圈,法海错收爸爸。音乐停。
法海:咦?收错左添,GPS仲定唔到位,哩次点返金山寺呀?
然后两人退场,留下妈妈。妈妈在台上不停叫着“相公,相公”
儿仔出场。
仔:爸爸,爸爸。。哩锅结啦,历史都改埋,我唔知返唔返到去现代架?(拿起月光宝盒)好,再试一次!波耶波罗米。。。(舞台关灯)播音乐9――――――――――――――打雷 妈(淡定的):相公,同法海出哩睇耶须罗喂。
(舞台开灯,爸爸穿回围裙出场,儿子退到登子坐下
爸(对住还穿着古装的妈妈说):喂,你做咩着成甘既?
妈:(看一下衣服)我记得啦,我地前世原来系白蛇传既主角哩架!
爸:真既?果时我人工高唔高吖?
妈:果阵时,你真系穷到咙架,连开房钱都系我出架炸。不过你唔洗伤心,竟然我地甘有
缘份,我决定唔同你离婚架啦。
爸:真既?
妈:系呀。我谂通左啦。无论你有钱无钱,我都无所谓啦。
爸:有床米得咯~~
妈:最紧要系我地两个人系埋一齐!!!
爸:唔系波,应该系3个人先岩!
妈:吓?
爸:吖仔。过来。
妈:哗!我地几时有个仔架?
爸:系呀,今年8岁架啦。
妈:8岁就甘大只?
爸:吖仔叫声妈咪先啦。
仔:妈咪。
妈:呀仔。(三人拥抱)播音乐10――――――――――――――――――――生日快乐 完场,全体演员出场。向冯总讲祝词:祝冯总。生日快乐,身体健康。家庭幸福,生意兴隆!